រដ្ឋបាលរាជធានីភ្នំពេញ បន្តប្រកាសលេខទូរស័ព្ទ ៧ខ្សែ ដើម្បីឱ្យពលរដ្ឋទាក់ទងពេលត្រូវការជំនួយសង្គ្រោះបន្ទាន់នៅខណ្ឌដង្កោ

 

(ភ្នំពេញ)៖ លោក ម៉េត មាសភក្ដី អ្នកនាំពាក្យរដ្ឋបាលរាជធានីភ្នំពេញ នាថ្ងៃទី១៧ ខែតុលា ឆ្នាំ២០២០នេះ តាមរយៈបណ្តាញព័ត៌មាន Fresh News បានបន្តប្រកាសលេខទូរស័ព្ទចំនួន ៧ខ្សែ ដើម្បីប្រជាពលរដ្ឋទាក់ទងពេលត្រូវការជំនួយសង្គ្រោះបន្ទាន់ ពាក់ព័ន្ធករណីទឹកជំនន់នៅគោលដៅរង្វង់មូលកួរស្រូវ និងបុរីពិភពថ្មីកួរស្រូវ២ ព្រមទាំងគោលដៅផ្សារព្រែកជ្រៃ ខណ្ឌដង្កោ។

លេខទូរស័ព្ទទាំងនេះជាលេខទំនាក់ទំនងមកកាន់ទីបញ្ជាការស្រាលប្រចាំការ ២៤ ម៉ោងលើ ២៤ ម៉ោង ដែលក្នុងនោះរួមមាន៖

*ទី១៖ គោលដៅរង្វង់មូលកួរស្រូវ និងបុរីពិភពថ្មីកួរស្រូវ២ មាន៖ 097 88 01 928, 097 52 51 727, 097 48 82 952, 097 88 52 543, 097 55 05 697

*ទី២៖ គោលដៅផ្សារព្រែកជ្រៃ៖ 097 42 33 518, 097 35 38 354

គួរជម្រាបថា មូលដ្ឋានសង្កាត់ចំនួន៥ ក្នុងខណ្ឌដង្កោ កំពុងរងនូវការវាយប្រហារយ៉ាងដំណំពីទឹកជំនន់។ រហូតមកដល់ពេលនេះ កម្លាំងសមត្ថកិច្ចចម្រុះជាច្រើនរយនាក់កំពុងធ្វើការ សង្គ្រោះប្រជាពលរដ្ឋ និងជម្លៀសចេញពីលំនៅឋានទៅរកទីទួលសុវត្ថិភាព ព្រមទាំងមានការជួយទំនុកបម្រុងសេចក្ដីត្រូវការនានាផងដែរ៕